A cidade de Pontevedra acollerá do 19 ao 22 de maio a décima edición do Congreso da Asociación Española de Investigación en Comunicación (AE-IC).

A Universidade de Vigo será a sede do próximo Congreso da AE-IC, que terá como eixo temático “Comunicar na incerteza” e que poñerá o foco nos grandes cambios do ámbito da Comunicación desde o punto de vista da investigación académica, a transferencia do coñecemento e o compromiso social dos investigadores e investigadoras.

O programa contemplará mesas temáticas directamente vinculadas coas seccións e grupos de traballo da AE-IC, contando cunha presenza especial da investigación en Publicidade e Relacións Públicas como estudos que se imparten exclusivamente neste centro na comunidade autónoma galega. A chamada á participación, presentando comunicacións nas distintas mesas, está aberta ata o 14/11/2025.